Господи Иисусе Христе, Сыне Божий, молитв ради Пречистые Твоея Матери услыши мя, недостойную рабу Твою (имя). Господи, в милостивной власти Твоей чадо мое, раб Твой (имя) суть, помилуй и спаси его, имени Твоего ради. 
Господи, прости ему вся согрешения вольная и невольная, яже сотвориша пред Тобою.
Господи, настави его на путь истинный заповедей Твоих, и просвети разум светом Христовым во спасение души и во исцеление тела.
Господи, благослови его служение воинское на суше, на воздусе и в море, в пути, летании и плавании и на всяком месте Твоего владычества.
Господи, сохрани его силою Честнаго и Животворящаго Креста Твоего под кровом Твоим святым от летящей пули, стрелы, меча, огня, от смертоносныя раны,от потопления водного и напрасныя смерти.
Господи, огради его от всяких враг видимых и невидимых, от всякия бед, зол и напастей, предания и пленения.
Господи, исцели его от всякия болезни и раны, от всякия скверны и ослаби его скорби душевныя.
Господи, даруй ему благодать Духа Твоего Святаго на многая лета, здравие и целомудрие еже жити во всяком благочестии и любви, в мире и единодушии с близ сущими начальствующими, с ближними и дальними людьми.
Господи, умножь и укрепи его силы душевныя и телесныя, просвети его разум, здрава и благополучна возврати его в дом родительский.
Всеблагий Господи, даруй мне, недостойной и грешной рабе Твоей (имя), благославение быти достойною в настоящее время утра, дня, нощи, яко царство Твое вечно, всесильно и всемогущественно.
Аминь.